nýggj styrki

Eg havi keypt mær nýggjar lesibrillur, so nú verður ikki lukkuligt at síggja persónarnar, lukta blóðið, hoyra summarfuglarnar og ræðast eldin.

appelsingul frustratión

So deilig troyggja til sjeyára gamla, sum ynskir sær appelsingult kamar, appelsingult borð og appelsingula troyggju. Deiliga skjót at binda eisini, tí eg brúkti íslendskt mynstur til tveyára gamalt barn og bant við stokkum 7 í staðin fyri 4. Eitt vikuskiftisprojekt at stressa av við.

Næstan liðug og deiligheitin fær at slag undir vangan. Krasj. Bang. Og appelsinguli friðurin verður til ein appelsingulan eið. Sum allar bindikonur vita, so tekur man uppá á undirsíðuni av ermuni, men eg havi bundið aðra ermuna skeivt uppá, so hon buglar út eftir í staðin fyri inn eftir.

Nei, her er eingin fjøðurbalansa.
Heldur ikki á stokkunum.

at balansera á einari fjøður

::
"We would be so overcome with grief and anger that we would all rise up in a fury and demand an end to it - make it end! We would be outraged every time we heard of our brothers and sisters killed or injured somewhere in the world. Grief-stricken every time we heard our children being described as "collateral damage". Beside ourselves with anger and sadness whenever our mothers and fathers were forced to flee their homes with only the clothes on their backs - and sometimes a bullet there too. Wouldn't we?"

Orðini eigur ein bloggvinkona í Hebridunum, sum hugleiðir um, hvussu tað hevði verið um vit veruliga høvdu havt samkenslu við øðrum. Systirsonur hennara var raktur av bumbu í krígnum í Afganistan, og knappliga gjørdist kríggið persónligt. Hon finnur út av, at systirsonurin ikki er so hart raktur, og hon undrast um sínar egnu kenslur. At vit flyta okkum víðari og orka ikki at forhalda okkum til sorgir hjá øðrum. Hvat hevði hent um vit veruliga skiltu kenslur hjá øðrum? Høvdu vit ikki reist okkum og kravt broytingar?

"But - even writing this, I am overwhelmed at the magnitude of it all. The sheer size of the problems that I have helped create. What possible solutions are there? How can I make a difference to any of this? Sure, I can "like" a few posts on facebook, or retweet a couple of links. I can read blog posts and books, watch videos and nod my head until it falls off. Already I feel myself slipping from anger to despair. And that is how it works. That is why we are in this mess."

::
Hevur tú sæð japansku listakvinnuna í sponsku talentsendingi?
Viðhvørt hvílur gerandisdagurin á einari fjøður,
men viðhvørt skal eisini bara ein fjøður flytast fyri at steðga galskapinum.

Tonk at vita nær man skal gera hvat,
nær man skal halda balansuni og dansa víðari,
nær man skal siga: nú er nokk, hetta er for stuttligt.

::